Өлең, жыр, ақындар

Барда

  • 12.07.2020
  • 0
  • 0
  • 2145
Ей, иманды,
Ей, мейірімді — ізгі адам
(Отқа қарап қалмайсыз ғой сіз одан),
Жанға сайғақ, жүрекке ем үшін де,
Құдай үшін, құйыңызшы жүз грамм.
Менің жаным жалғыз жұтым заһарда,
Қолыңда тұр қосу-қоспау қатарға.
Кім біледі, бәлкім, дос боп кетерміз,
Бәлкім, мәңгі бір шығармыз сапарға.
Ей., иманды,
Ей, мейірімді бүлдіршін,
Мен көтерген тағдыр жүгін кім білсін?!
Жылай-жылай Құс жолында адасқан,
Зағип кісі не нәрсені бүлдірсін?!
(Жас ғұмырын рәсуә еткен қасқа боп,
Мына өмірден босқа өтіп, босқа кеп...
Қатар тұрып Көкке қолын түйетін,
Жанарыма тік қарайтын дос та жоқ).
Ей, иманды,
Ей, мейірімді қарғашым,
Біздей ғаріп сізді қайтіп алдасын?!
Қос алмасын қос қанатпен қымтаған
Періштем-ай, пейіш дейтін бар ма шын!
...кұйыңызшы жүз грамм...



Пікірлер (0)

Пікір қалдырыңыз

Ымырт

  • 0
  • 1

Түн мекені түнекке,
Серік таппай бойлаған.
Біздің ғазиз жүрекке,
Жұлдыз шашып ойнаған.

Толық

Кентавр

  • 0
  • 0

Тұлпарға мінген Ұлы даланың,
Тарпаң мінезді ұлы боламын.
Жауларым семсер сілтеген сәтте,
Киылған талай гүлім, қарағым.

Толық

Көктем емес пе еді?!

  • 0
  • 0

Көктем емес пе еді?!
Қазбауыр бұлттар жеткенде шығыстан кезбе,
Сезімнің құйып шарабын хрусталь сөзге,
Егіз бір жандай екеуіміз ұғысқан кезде.

Толық

Қарап көріңіз

Басқа да жазбалар