Байбота Қошым-Ноғай

Санамды салып сары уайымға

Бұл бетте «Санамды салып сары уайымға» атты Байбота Қошым-Ноғай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.07.2020
0
0
1784

Санамды салып сары уайымға,
жатқанша күндi санап мен,
iшкiлiкке әбден салынайын ба,
тарқатып шердi шараппен?!.
Қаймана қазақ,
досты да құшып:
“Оқиыншы,– деп,– бiр өлең”,–
дұшпаныммен де төстi қағысып,
беймарал шайқап жүрер ем.
Сағыныш пенен үмiт әлемiн
жалғанда кiм бар түсiнген?
Сенi де сәтке ұмытар едiм
сарсаңға менi түсiрген…
…Сенi ұмытқанша,
өлмеймiн бе мен?
Күдерiмдi үзбен, әрине!
Жамалыңды, еркем, көрмеймiн деген
күнi МЕН ЖОҚПЫН ПӘНИДЕ!.

Байбота Қошым-Ноғай уайым сана санамды салып сары уайымға Байбота Қошым-Ноғай өлеңдері

Пікірлер (0)

Пікір қалдырыңыз

Жиі қойылатын сұрақтар