Байбота Қошым-Ноғай

Бұрын, сірә, атып па еді мұндай таң

Бұл бетте «Бұрын, сірә, атып па еді мұндай таң» атты Байбота Қошым-Ноғай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.07.2020
0
0
1300

Бұрын, сірә, атып па еді мұндай таң,
бұла сезім бұзды менің ұйқымды.
Кеудемдегі қуанышты кімге айтам
қаламымнан басқа мынау сиқырлы?
Мұндай таңды бұрын көрген емеспін.
Тәтті ұйқыда жатырсың сен түс көріп,
бесіктегі бала сынды балбырап.
Алматыға тұр Алатау сұс беріп,
құс үніне елең ете қалды бақ.
Мұндай таңды бұрын көрген емеспін.
Сенің ұйқтап жатқаныңды аңғарып,
самал менің иығыма асылды.
Дидарыңа Шолпан жұлдыз таңданып
қарады да, жүзін дереу жасырды.
Мұндай таңды бұрын көрген емеспін.
Көкжиектен көрінген жоқ Күн әлі,
қандай нұрлы шүйке түткен шың мына:
пейіш, бәлкім, Һауа Анаға күнәлі
кешіріммен бетін бұрған сынды ма?!.
Мұндай таңды бұрын көрген емеспін.

Байбота Қошым-Ноғай бұрын сірә атып па еді мұндай таң Байбота Қошым-Ноғай өлеңдері

Пікірлер (0)

Пікір қалдырыңыз

Жиі қойылатын сұрақтар