Байбота Қошым-Ноғай

Соғады сағат бiр ырғақпенен

Бұл бетте «Соғады сағат бiр ырғақпенен» атты Байбота Қошым-Ноғай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.07.2020
0
0
1501

Соғады сағат бiр ырғақпенен,
аққұба таңды атырып,
жүрегiм жанып,
шымырлап денем,
өртенiп кеудем жатыр, ұқ!
Көңiлiм кiрден ашылар менiң,
өткiзсем оймен кей түндi.
Сүймейсiң!
Сүйсең,
жасырар ма едiң,
аяулым, менен кейпiңдi?!.
Iздемей қайтем көрiнбегесiн
көркiңнен сенiң қара мең:
хабарың жетсе,
өлiмге де шын
қабақты шытпай барар ем.
Жүзiңдi, қалқам, жасырмағын сен,
таса да болма көзiмнен.
“МҰҢ ДЕГЕН НЕ?”– деп,
қасымда жүрсең,
сұрар ма ем мүмкiн өзiңнен?!.

Байбота Қошым-Ноғай сағат соғады сағат бiр ырғақпенен Байбота Қошым-Ноғай өлеңдері

Пікірлер (0)

Пікір қалдырыңыз

Жиі қойылатын сұрақтар