Ақылбек Шаяхмет

Адамдар кейде жаман түс көреді

Бұл бетте «Адамдар кейде жаман түс көреді» атты Ақылбек Шаяхмет жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

18.07.2020
0
0
1133

Адамдар кейде жаман түс көреді,
Дөңбекшіп ұйықтап жатып, тістенеді.
Қалғандай киіміне күйе жұғып,
Түсінен оянған соң сескенеді.

Адамдар кейде жақсы түс көреді,
Алтын тақ, баянды бақ түске енеді.
Қазына жиналғандай қамбасына,
Бармайды байыбына ештеңенің.
Мәз болып шыға қалса тау басына,
Сенеді болмаса да еш дерегі.

Түсіңнің белгілі ме сыры саған?
Күйзелсең, басу айтып, болыса алам.
Ойлама жаманатты, абыржыма,
Шығады, неден қорықсаң, жаның содан.
Сақтайтын кесапаттан сабыр ғана,
Түсін тек жақсылыққа жорыса адам.

Ақылбек Шаяхмет түс адамдар кейде жаман түс көреді Ақылбек Шаяхмет өлеңдері

Пікірлер (0)

Пікір қалдырыңыз

Жиі қойылатын сұрақтар