Өлең, жыр, ақындар

Айы туса оңынан

  • 18.07.2020
  • 0
  • 0
  • 975
Айы туса оңынан,
Иілген бас мойыннан
Кесілмес деп ойлайтындар көп білем.
Менің сенен айырмам:
Мықтылардың алдында
Ешқашан да тізерлеген жоқпын мен.

Ат үстінде жүрсе де,
Адаспасын білсе де,
Мігіттер көп тұрған малдай қорада.
Басы дауға қалса да,
Тісі бүтін болса да,
Сөзін бұзып жүргендер бар арада.

Жамау қосқа қонса да,
Тоны жыртық болса да,
Жігіттер бар жаурамаған қаңтарда.
Болса-дағы уайым көп,
Аштан өлер жайым жоқ,
Алты малта қалса болды қалтамда.

Өзі болған жігітке
Серік болар үміт те,
Ауа райы қай кезде де қолайлы.
Атқа жайдақ мінсем де,
Ойнасам да, күлсем де,
Тізгініме ие болсам, жарайды…



Пікірлер (0)

Пікір қалдырыңыз

Сәбидің жылағаны

  • 0
  • 0

Сәбидің жылағаны –
Емшекті анасынан сұрағаны.
Әйелдің жылағаны –
Күйзелген тауқіметтен, сірә, жаны.

Толық

Атқа қонған, топтан озған кездерім

  • 0
  • 0

Атқа қонған, топтан озған кездерім
Қызғанышы болды кейде өзгенің.
Біреулерге шаншу болып жабысты
Қаңтардың да суығына төзгенім.

Толық

Қалмайды көктем келсе, қыста қаһар

  • 0
  • 0

Қалмайды көктем келсе, қыста қаһар,
Мұзың де көктемде еріп, қыста қатар.
Қанатың қатаймаса, шырқау көкте
Ақиық қырандармен ұшпа қатар.

Толық

Қарап көріңіз