Өлең, жыр, ақындар

Бағзы қазақ

  • 21.07.2020
  • 0
  • 0
  • 936
Ағып жатқан арнадай
Азаны мен қазаны.
Ғайып болды, жалған-ай,
Бұрынғының қазағы.

Көшті қойшы,
Көшпеймін
Керек емес түйесі.
Кемігенін не істеймін
Кеңдігімнің киесі?!

Қайда қалды тау ішін
Жаңғырық қып бір өзі;
Самбырлаған дауысы,
Салдырлаған мінезі?!

Иен далада есінеп,
Иеленген жалғанды;
Есебі жоқ, есі жоқ,
Қайдан табам аңғалды?!

Жебей қаузап желіні,
Саумалына мәз осы;
Қайда айдай келіні,
Қайда «айғай» әжесі?!

Қайда –
Ұрыс-жанжалға
араша боп аз ісі –
қара қылды қақ жарған
қазиы мен қазысы?!

Түсіңде емес,
Көп кірне
Ішіңде ғой, мұны да ұқ.
Ұлтарақ боп кеткен бе,
Ұлтымдағы ұлылық?!

Азаймайтын арнадай
Азаны мен қазаны;
Байыз тапты-ау, жалған-ай,
Баяғының қазағы.

Тайғанадым, адастым,
Тайлағымды сеңге айдап –
Көшпен кеткен қазақты
Көшпей іздеп мен бейбақ.



Пікірлер (0)

Пікір қалдырыңыз

Ит-құс

  • 0
  • 0

Мойымас ауа райы – амалға көп,
Мінезі малсақ елдің маған да дөп.
Алыстан келсе ағайын,
Сұрар еді:

Толық

Диогеннің дегені

  • 0
  • 0

Сұрамайтын сұғынып ештеңені,
Сұңғылаға не берді өскен елі?
Дүмді патша кегенде,
Диогенің

Толық

Ескі

  • 0
  • 0

«Не жаңалық?», – дейсіңіз,
Жаңалық жоқ жаңалық.
Күнге күйген көрші қыз
Кетпепті әлі ағарып.

Толық

Қарап көріңіз