Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Салыстыру

Абзал Бөкен

Салыстыру

  • 21.07.2020
  • 0
  • 0
  • 1781
Сен не деген жүректі ең,
Салыстыра салмақтар.
Бағамдасаң білекпен,
Бұйым емес бармақ-хал.

Бас білемін басты арқау,
Басы жоқтың кемі шын.
Төбешік те асқар тау,
Төмен жатқан дөң үшін.

Мәнісі бар мұның да,
Мәтін болмас құранды ой.
Шіркей үшін шыбын да
Шіреп ұшар қыран ғой.

Дәлеңкедей қалыбын
Далитсаң да тегештей,
Айғай-ақын бәрібір
Айдай ақын емес қой.

Баға берер байыппен,
Болам десең көреген –
Қайықты өлше қайықпен,
Кемені өлше кемемен.

Абаданға қабаған
қанден үрсе, сол – қайғы.
Ұлы – ұлы.
Ал, оған
салыстырма болмайды.

Абзал Бөкен салыстыру Абзал Бөкен өлеңдері

Пікірлер (0)

Пікір қалдырыңыз

Алжасу

  • 0
  • 0

Бапқа құлар заманда
Шатақ қуып алжастым.
Ақша қуар заманда
Атақ қуып алжастым.

Толық

Тері

  • 0
  • 0

Соғымыңның терісіндей қыстағы
Бұл даланың көбейіп тұр дұшпаны.
Күтім еді мойыны мен сауыры,
Бүтін еді бауыры мен пұшпағы.

Толық

Штанга

  • 0
  • 0

Қыран көзі қашандағы қияда,
Ұран кезі жата алаймын ұяда.
Уақыттың зілмауырын көтертер
Өмір де бір – үлкен Олимпиада.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер