Абзал Бөкен

Дертіме осы табам ба ем

Бұл бетте «Дертіме осы табам ба ем» атты Абзал Бөкен жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

21.07.2020
0
0
1681

Дертіме осы табам ба ем,
Деміктіріп бақсыны.
Салыстырып жаманмен,
Жақсы, – дейді жақсыны.

Ұлға қарсы есептен
Ұлпа көңіл ұйлықты.
Қатар қойып есекпен
Жүйрік, – дейді жүйрікті.

Жабыменен жұп қылды
Беріп биік бағаны;
Мұның өзі – мықтыңды
мұқатудың амалы.

Науша болды нар бейнем,
Қалдырмады жөніме.
Дәлдестіріп даңғоймен,
«Дана» етпекші мені де.

Өрекпіді өзегім
Осыны еткен жолдасқа.
«Тең-теңімен,
Тезегің
қабыменен» болмас па?!

Тобыршықтан тиіп оқ,
Топ жарарда құрыдық.
Күнің неткен қиын ед,
Күндесі көп ұлылық!

Абзал Бөкен дертіме осы табам ба ем Абзал Бөкен өлеңдері

Пікірлер (0)

Пікір қалдырыңыз

Жиі қойылатын сұрақтар