Өлең, жыр, ақындар

Қосылыс

  • Bain
  • 23.05.2015
  • 1
  • 2
  • 10299
Қосылды міне екі жас, амандасты,
Қара көз, қас қағылып, хабарды ашты.
Майысып балдырғандай қыз толысып,
Жігітке берді ләззат таб алмасты.
Көңілі бір, ойы тура, құмары нық,
Заман да айдап қосты замандасты.
Леп беріп, бетін үріп су салқыны,
Шайқалтып манауратты барша ағашты.
Түрлентіп шалғын, жапырақ, бәйшешекті,
Сайратты еріксізден сандуғашты.
Қарақұс көкті айналып, көлдегі үйрек,
Бозторғай жымыңдасты, тағы алдасты.
Ынтықтың бұл қосылған құрметіне,
Шығарды бұлбұл даусын жапанға ащы.
Көбелек көлбектетіп су бойында,
Көгершін таста көкек самалдасты.
Толқытқан жер - жиһанды, екі жасты,
Тілесе жауыз жазмыш не қалмасты.



Пікірлер (2)

Асанова Береке

илиас жансугировтын олендеринин шумактары узак болса да оте керемет бирак маган баринен катты анам тили

Шаттық

Мына Ілияс Жансүгіровтің өлеңдері өте керемет екен маған қатты ұнады

Пікір қалдырыңыз

Қыс

  • 0
  • 3

Қыс, қар, мұз, қырау, қылау - жерді көміп,
Бұлт бүркеп, тұман төніп, баса шөгіп,
Жер-көкті аяз бүріп, қызыл жалап,
Бұрқ-сарқ боран құсып, шашып, төгіп.

Толық

Жебірейілнама

  • 0
  • 0

Бұл шыным, жебірейдің жас сұлуын
Ақтауым керек, жанын құтқаруым.
Періштем көркі көркем, кел жаныма,
Ал қабыл, алғыстаған дұғам мұным!

Толық

Күн боламыз

  • 0
  • 10

Туғанбыз күн нұрынан күн боламыз,
Нұр шашып қараңғыны жарқ етіп.
Ту ұстап, тұлпар мініп толғанамыз,
Көк жерді көміп нұрға, қарық етіп.

Толық

Қарап көріңіз

Басқа да жазбалар