"Арман"туралы – Гүлдана Итибарова

Арман-сенің қиялыңның жетегі,
Арман-сенің болашағың ертеңі
Еңбектенген талпынған әр адамзат,
Нық сеніммен арманына жетеді.

Мақсат қойып, арманыңа жете біл,
Жету жолда шыдамдылық ете біл.
Түзу жолда бағытыңды өзгертпей,
Қиындықта жолын тауып кете біл.

Арманыңды алдамшы деп санама,
Осы сөзім жете білсін санаңа.
Арманына қол жеткізген не бір жан,
Үйрен,түсін жан-жағыңа қарада.

Сүріндірер Алла бір сәт өзіңді,
Қинап әбден, тауысады төзімді.
Бой жимасаң, жарты жолда қаласың,
Қайта тұрсаң,жоғалтпайсың өзіңді.