Өлең, жыр, ақындар

Телефонда

  • 29.08.2020
  • 0
  • 0
  • 993
Төлеу аға, телефонмен сөйлестік,
Сөйлестік те, екі түрлі ой кештік...
Жүрегіңнің естіп тұрмын дүрсілін,
Кей сөзіңді кейде естімей, кейде естіп.
Бір сөз жетіп, бір сөз кетіп ауаға,
Тар будкада жан ұшырдым, беу, аға!
Сен үздігіп, мен үзіліп айтқан сөз
Сағынышқа, жарайтындай дауаға.
– Ел аман ба, әжем қалай, қыс қалай? –
Дегенімде ойым зулап ұшқаны-ай...
Ойым зулап, Ақшығанақ адырдың
Жүрді үстінде,
Жүрекке ыстық тұстары-ай.
Жүрекке ыстық жыңғыл төбе, арша бел,
Тобылғы сай қиып әкеп, қамшы өрер.
Ағажан-ай, аязында ақпанның
Ай жарықта шөп тасуға барса егер...
Деп ойладым, сен ойладың, мүмкін мен
Оның бәрін ұмытты ма деп, кім білген?..
...Интернаттың сары шанасы есімде
Шөпке, отынға барар кезек бір-бірден.
Көз алдымнан соның бәрі бір минут
Зымырады-ай бір қуаныш, бір мұң боп.
...Тарс еткіздім телефонның тұтқасын
Ей, Сағыныш, сиқырыңды білдім деп.



Пікірлер (0)

Пікір қалдырыңыз

Ауа

  • 0
  • 0

Есіңде бар ма ел қонған мезгіл жайлауға?
Көде мен көкпек көз жауын алып сайларда,
Табаның жерге тұра алмаушы еді тайғанап
Сәскенің сәруар сәулесі қырды шайғанда.

Толық

Айдан анық

  • 0
  • 0

Ақынның сезіміндей сиқыр бар ма,
Бағынбас цитаттарға, цифрларға.
Күш бар ма, құдірет бар ма ақынға тең
Күмбірлеп кеудесінен күй туғанда?

Толық

Жұқарған менің жүйкелерім-ай

  • 0
  • 0

Жұқарған менің жүйкелерім-ай,
Үйкеледім-ай сендерді.
Сүйкенбес жерге сүйкегенім-ай,
Көтеріп көкке кеудемді.

Толық

Қарап көріңіз