Өлең, жыр, ақындар

Ыңғай-ау

  • 29.08.2020
  • 0
  • 0
  • 1044
Ыңғай да, ыңғай, ыңғай ән,
Ырғағың сенің кімге аян?..
Шымшыған үні шымбайдан
Сыздаған іштен мұңды айдап,
Артыңда қалған күнді ойлап,
Айтылмай қалған сырды ойлап,
Қозыға теліп өзіңді,
Керек-ақ болып бір Баян,
Қуантып құнан сезімді
Қуғандай қырдан ор қоян
Ыңыранып бастап, ырғалып
Рабайда біреу айтпаса,
Ынтықтыра ма мұндай ән?!
Ыңғай да, ыңғай, ыңғай ән,
Сусыған қызыл құмдай ән.
Сағынған кезде сарғайып
Бойыңды басқан мұңдай ән.
Бұйырған белдің шөбіндей
Бұйырған пәлен мың бояу
Бұйығы көңіл еміндей
Булыққан сезім жүрді ояу.
...Ыңғай да, ыңғай, ыңғайға,
Ынтықса салып тынбай ма?
Көп жылға көңіл жасарып,
Көп ойдан әлпет қасарып,
Салғым кеп отыр «Ыңғайға».
Шашбауын бірақ көтеріп,
Шығандап шығар үн қайда?!.



Пікірлер (0)

Пікір қалдырыңыз

Түн

  • 0
  • 0

Тас төбеден үркер әлі аумай-ақ,
Самал соқты селқос тұрған тауды аяп.
Сердір шалғын арасына шық ұйып,
Сылбыр құмға жатыр құнын саудалап.

Толық

Алақан

  • 0
  • 0

Туған жерде аэропорт басынан,
Аяулы ағам қарсы алардай асығам.
Аяулы ағам білем, білем, жоқ бірақ,
Білгенімді білмегім кеп жасырам.

Толық

Біржан сал. Қоянды жәрмеңкесі

  • 0
  • 0

...Дақпырты жәрмеңкенің жетті бұрын,
Аралап кең өлкенің кетті қырын.
Уақыт – екі ғасыр Өліарасы
Қадаған қатар-қатар кеп құрығын.

Толық

Қарап көріңіз