Еске алу

«Біздің елдің гүлге толған бағы бар,
Гүлдер жайлы бұлбұлдардың әні бар.
Жиын-тойда, мерекеде айтарсың
Осы әнімді азырқанбай қабыл ал!»
Осынау жыр туып толқын үстінде,
Көкке жетіп, жерге қайтып түсті де,
Қарақалпақ елін бірге аралап,
Біздерменен бірге болды үш күнде.
Махаббаттың сыйып соған мазмүны,
Со бір әнді айта бердік жаз күні.
Аққу құстай төбемізден айналды
Қарақалпақ қыздарының назды үні.
Есіккөлде, Амудария жүзді әні,
Тыңдады оны Алатаудың құз-жары.
Со бір әнді салған сайын тұрады
Көз алдымда қарақалпақ қыздары.
Тұрады есте Құсқананың таулары,
Алыстағы сонау Шымбай ауданы.
Жетеді екен нәзік сырлы назды үндер
Кең болса да бұл дүниенің аумағы.

---