Өлең, жыр, ақындар

Жыл маусымдары

  • 25.04.2019
  • 0
  • 0
  • 8929
КӨКТЕМ
Көктем келді: құс келді,
Күн ұзын, түн қысқа енді.
Көктем келді: су ақты,
Күннің көзі шуақты.
Көктем келді: гүл өсті,
Көбелектер гулесті.
Көктем келді: көл үсті
Көңілді де келісті.
Көктем келді: іс келді,
Күн ұзын, түн қысқа енді.

ЖАЗ
Жаз да келді пейілді:
Жан-жануар сейілді.
Жаз да келді: аптапта
Жан-жаққа ұшты бақ-бақта.
Жаз да келді найқалып:
Жатыр егін жайқалып.
Жаз да келді: шаттанып,
Жұмыла іске аттанып,
Тындырып бар жұмысты,
Тоя жедік жемісті.

КҮЗ
Күз де келді, күз келді:
Күдерін жаз үзген-ді.
Күз де келді, күз келді:
Көкте бұлттар жүзді енді.
Күз де келді, күз келді:
Құстар мекен ізденді.
Күз де келді, күз келді:
Қондырмады түзге елді.
Күз де келді, күз келді:
Керек оқу бізге енді.

ҚЫС
Қыс келді, қыс иықтап,
Қалды аюлар ұйықтап.
Қыс келді, қыс мұз-қарлы,
Қыраулы да, ызғарлы.
Қыс келді, қыс боранды:
Қырат көрпе оранды.
Қыс келді, қыс мықты анық,
Қайтсе де біз ықпадық.
Қыс келді, қыс уайым ба?
Қандық біздер ойынға!



Пікірлер (0)

Пікір қалдырыңыз

Өлген артық

  • 0
  • 0

Өлген артық,
Тірлікте былыққанша!
Былыққанша,
Байлыққа құныққанша.

Толық

Ой

  • 0
  • 0

Жөні бөлек жолдағы әрбір қадамның.
Жөні бөлек тарихтағы қадамның.
Алғаш рет
Маймыл-ата басына

Толық

Тамаша

  • 1
  • 6

Тамаша той-думанмен таң атырса
Сол кезде жаныңда әсем жан отырса
Тамаша жексенбі күн көл басында
Тұнықтан балық аулап бала отырса

Толық

Қарап көріңіз