Өлең, жыр, ақындар

Сұрарсыңдар

  • 01.09.2020
  • 0
  • 0
  • 687
– Өмірбаян жазып бер, – деді маған,
(Өміріңді сұрай ма тегін адам?..)
Өміріме аз емес өкпе-назым
Соны еске алу – өш ету мені маған.
Мені маған айдап сап, өш еткенмен,
Өртенбеймін...Шоғымды көсеп көргем.
Өзімді өзім саламын отқа күнде
Өкінішін өткеннің есептеумен.
Серігім ғой өкпе-наз, нала-мұңым,
Өмір бақи қалғытпас қарауылым.
Қарауылым – қорғаным, әділ қазым
Жүрегімнің қақ бөлсін қара қылын.
Мені маған сонда ешкім өш ете алмас,
Өмірімді зая да, еш ете алмас.
– Өмірбаян жазып бер, – деді маған,
Өмірімді жаздырар, жасата алмас.
Жазып берем...
Жазамын өмірбаян,
Жазған өмірбаяным бәріңе аян.
Аян емес жерлерін сұрарсыңдар
Тағдыр деген тақуа қариядан.



Пікірлер (0)

Пікір қалдырыңыз

Биылғы жыл бұралаң иір-қиыр

  • 0
  • 0

Биылғы жыл бұралаң иір-қиыр,
Иір-қиыр, құйындай үйірді бір.
Қап-қара бұлт төбесінен түйілді бір
Қара дауыл қапталдан шүйілді бір.

Толық

Табиғат

  • 0
  • 0

Нөпір де нөпір ой бұлты қалың,
Нөсерлеп бүгін тынам ба?!
Немесе түсіп торғын тұманым,
Малынамын ба мұнарға?!

Толық

Мөр

  • 0
  • 0

Мен сені ұмытпаймын, Мерекетай,
Үйіңнен арылмайтын береке ұдай.
Сен бізбен асық ойнап, күрке тігіп,
Бірақ та ойнамадың неге топай?

Толық

Қарап көріңіз