Өлең, жыр, ақындар

Қаһарлы қыстың соңғы айы

  • 30.03.2022
  • 0
  • 0
  • 936
Қаһарлы қыстың соңғы айы,
Мұз қатқан көкжал борбайы.
Келеді шауып ел жаққа,
Бір дәмді аңсап таңдайы.
Ай төбеде, түн ауған,
Жөтелген шопан тымаудан.
Тұр әне, көзі бұлдырап,
Терезе әйнек қыраудан.
Даусын да сезгіш басқа үннің,
Кезі емес әлді жас күннің.
Шопанның ойы қойларда,
Қойларда ойы қасқырдың.
Өткен жоқ өмір, бекер күн,
Жолындай парыз өтеудің...
Қалғып-мүлгіп қой жатыр,
Несібесі екеудің.
Шоқақтап жүйткіп келеді,
Өздері неткен көп еді.
Машиналар жарығы
Қасқырдың жолын бөгеді.
Басшылар әлде, бір түрлі
Жандар емес сүйкімді.
Тып-тыныш бұзып ұйқыңды,
Қасқыр ұлып, ит үрді.
Мылтықтың аздау оқ жағы,
Қаз-қатар қояр жоқ жаны.
Түнделетіп оятып,
Адамның келді көкжалы.
Сел қаптап кеткен тасқындай
Тұра ма заман асқынбай.
Бір-екі қойдан қой алып,
Адамдар шапты қасқырдай...
Қанаты құстың талғанда,
Опасыз мынау жалғанда.
Адамдық жолдан аттаса...
Бетер ғой адам аңнан да!..



Пікірлер (0)

Пікір қалдырыңыз

Мәртебелі әйел, сенсің

  • 0
  • 0

Мәртебелі әйел, сенсің бар бақыт,
Сені сүйіп келе жатыр таң да атып.
Сеніменен күллі өмір көркейіп,
Сеніменен ләззат алар жан жақұт.

Толық

Ассалаумағалейкүм, жаңа Астанам

  • 0
  • 0

Бет алған Астанаға жол басы деп,
Ақмолаға келгенім алғаш рет.
Сақтаймын деп ордалы кіндік жұртын,
Қазағым тартқан талай сан қасірет.

Толық

Шөлдеуменен өтемін

  • 0
  • 0

Шөл даланың ұлымын,
Шөл далада көп жүрдім.
Шөл даланың ұлымын,
Шөл даланы төр білдім.

Толық

Қарап көріңіз