Қос шырақ

Тоғысқан елмен тілегі,
Ақынның өлмес жүрегі.
Алдымда жанған қос шырақ,
Ғажап та ғажап түн еді.
Көретін көзге анық бір,
Адамға керек жарық бұл.
Қос көзімдей қос шырақ,
Қап-қара түнде жанып тұр.
Келеді таңым жазда атып,
Көрмедім өмір аз бақыт.
Жана бер жайлап қос шырақ,
Жүрегімді менің маздатып.
Келеді таудан көш құлап,
Дұшпанға емес досқа ұнап.
Жарық етіп түнімді,
Жана бер жайлап қос шырақ!

---