Өлең, жыр, ақындар

Ерте келген күз айы

  • 02.09.2020
  • 0
  • 0
  • 1242
Ерте келген күз айы – тың жыртқан жыл,
Ерте жинап жайлау ел, етек-жеңін.
Салқын бұлттың сезді ме мекер демін,
Сарқопаға айналып, малын жайып,
Сыналасып, лажсыз лекерлеуін...
Бұлт айналып бүйірден жетті-ау желіп,
Сәркіл жаңбыр селдетіп төкті-ау келіп.
Оймақ көлден ұшты әне он шақты құс
Оқтай түзу тізіліп оқтау болып..
Артта қалып жайдақ көл – туған лашық,
Құстар ұшты қанаты судан малшып.
Көкке қарап қыңсылап күрке алдында
Тұрды біздің көктемде туған қаншық.
Қорғасындай түйіліп екінді ауыр,
Киіз үйге арқан сап бекінді ауыл.
Құс семіріп, соңынан мал кеміріп,
Көл бойында күз бойы отырды ауыл.
Соңғы ұлпасын сар қамыс көлге ұрлатты,
Мойылдай көл шайқалмай мөлдір қапты.
Қоңданса енді қотыр қыр қазынасын
Қотармасқа қамданып сергек жатты.



Пікірлер (0)

Пікір қалдырыңыз

Өмір – сынақ, өмір – сабақ, әрине

  • 0
  • 0

Өмір – сынақ, өмір – сабақ, әрине,
Оқисың да тоқисың ғой бәрін де.
Мың мехнат, мың машақат жатады
Сол оқу мен сол тоқудың мәнінде.

Толық

Қара суға семірген қамсыз күнім

  • 0
  • 0

Қара суға семірген қамсыз күнім –
Қара қырда қап қойған сансыз гүлім.
Қарауытып қаштыңдар, мен нақақтан
Жігіт шақтың көтердім заңсыз жүгін.

Толық

Тал түсте шырқаған торғай

  • 0
  • 0

Біздің жаққа бұлт аумай, жаңбыр жаумай құрғап тұр,
Күнде шығып күлән күн, көп бояуды ұрлап тұр.
Бір бозторғай төбеге қақырық түтер мезгілде
Боз көдеден биіктеп буынғандай жырлап тұр.

Толық

Қарап көріңіз