Өлең, жыр, ақындар

Үстірт барсаң, дүзді көр

  • 05.10.2020
  • 0
  • 1
  • 1842
Светқали Нұржанға
Үстірт барсаң, дүзді көр,
Дүз дегенім – қасқа болған біздің ел.
Үстірт деген – оқиғалар керуені,
Оқулыққа кірмей қалған сіз білер.
«Қызыләскер жақын қалды, таяды, ә,
Ал, кес, інім, басымды кес, аяма,
Басымды әкет, дене құрсын, Басты әкет!
– Ақыретте көрісерміз, әй, аға».
Іні кетті, тірі кетті жас берен,
Құдіретті ала кетті Бас деген.
...Құдыққа айттым бұл тарихты жасырып,
Талай жылдар тауларға айттым тас керең.
Үстірт деген – мұз құрсаған кең аймақ,
Үскірігі бұлтты қуар кері айдап.
Бұлттарға еріп қаңғып кеткім келеді,
Жаралы ағам жалғыз қалды-ау деп ойлап.
Е, шерлі аймақ, шерлі аймақ,
Бұл әлемде жер бар ма екен сендей нақ.
Жерлей алмай алтын басын ағаның,
Желмен бірге көшіп жүрген мен бейбақ.



Пікірлер (1)

Райгул

Есенғали мен Светқали поэзия алпауыттары.

Пікір қалдырыңыз

Ештеңе де керек емес

  • 0
  • 1

Дәл осылай болатынын сезгем мен,
Ғұмырым.
Сенен кеткенмен ештеңе жоқ өзгерген,
Тірімін.

Толық

Шоқанның елге келуі

  • 0
  • 0

Жүдеп жүрген кезі еді ойлап елді,
Шоқан бірде ауылға тойға келді.
Сары қымыз, саф ауа, бағлан еті,
Темекі мен шарапты қоймақ енді.

Толық

Мiнеки, үт те зу ете қалды бөгелмей

  • 0
  • 0

Мiнеки, үт те зу ете қалды бөгелмей,
Алып шаһар тұр жасармай-дағы, көнермей
Аяулы күндер көп болушы едi бiр кезде
Аяқталмаған өлеңдей.

Толық

Қарап көріңіз