Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Сөйлесем сілкінер бір дәуір

Танакөз Толқынқызы

Сөйлесем сілкінер бір дәуір

  • 06.10.2020
  • 0
  • 0
  • 1504
Сөйлесем сілкінер бір дәуір,
О, несі ішінен тынғаны?
Күтудің салмағы зілмауыр
Еңсемді көтертпей тұрғаны.
Әңгіме тыңдаймын құлықсыз,
Білмеймін дәл қазір нақ кіммін?
Іздеймін біреуді ырықсыз,
Егіліп жылауға шақ тұрмын.
Шақ тұрмын күл болып кетуге,
Бір дауыл тұрады-ау кешікпей!
Бір-ақ сәт гүл болып кету де,
Бір-ақ сәт өбісу өшікпей.
Үнсіздік – ең ауыр жаза бұл,
Азабын мен ғана айта алам.
О, жетер, бүгінгі мазағың
Жетеді... тіл қатшы қайтадан...

Танакөз Толқынқызы сөйлесем сілкінер бір дәуір Танакөз Толқынқызы өлеңдері

Пікірлер (0)

Пікір қалдырыңыз

Сен кетесің

  • 0
  • 0

Сен кетесің. Кетер бірге жел сөз де!
Жалғыз досым жел қалады ел кезбе...
Сен кетесің. Күндеуші де жоғалар...
Күн қалады тек шуағы ғана бар.

Толық

Бекзада мұң

  • 0
  • 0

Бекзада мұң таңдап алған ашынам.
Кеш қарайса тағы шарап ішеміз.
Мұң шарабы мың жыл тұрып ашыған
Ішкен сайын қара терге түсеміз.

Толық

Мен ешқашан...

  • 0
  • 0

Мен ешқашан ұйқас іздеп көрмедім,
Көшірдім тек көңілдің бір өрнегін.
Ішкі ұйқастай жүрегімнің ырғағын
Болған шығар аракідік тергенім.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер