Өлең, жыр, ақындар

Бекзада мұң

  • 06.10.2020
  • 0
  • 0
  • 1583
Бекзада мұң таңдап алған ашынам.
Кеш қарайса тағы шарап ішеміз.
Мұң шарабы мың жыл тұрып ашыған
Ішкен сайын қара терге түсеміз.
Кел, Күз мырза! Сүйші мені тартынбай,
Көйлегіме қол жүгірсін самалың.
Жұпарымнан іше алсаң іш алқынбай,
Сөйлеп тұрмын таусылған соң амалым.
Кірпігімнің әр талынан өбіңіз.
Деммен емес, діріліңмен жылытшы.
Бүгінгі түн не айтсам да көніңіз
Тағдырды да, жазмышты да ұмытшы.
Бұлтыңызбен кетейінші ілесіп,
Басым ауған жаққа қарай тоқтамай.
Сен қызғанба! Күрең ойдан күле шық,
Тарпа бас сап сүйген кезде сотқар Ай.
Сіз емес ол. Күз ғой маған ынтыққан.
Сіз сүймейсіз. Күз сүйеді мені шын.
Мен де сіздей адалдықты пір тұтқам,
Мен де Күзге беріп қойғам келісім.
Сіз кеңсеге, мен сезімге байлаулы
Сізге қызмет, маған Муза маңызды.
Өзің жайлы доғарар ем ойлауды
Мына жүрек тоқтап қалар тәрізді.



Пікірлер (0)

Пікір қалдырыңыз

Ұшағыңа бүгін түнде мінерсің

  • 0
  • 0

Ұшағыңа бүгін түнде мінерсің,
Бұлттар сені алып қалмай, жіберсін.
Қауышудың қандай бақыт екенін
Дүрия жүрек дүрсілінен білерсің.

Толық

Үнсіз отырмашы!

  • 0
  • 0

Үнсіз отырмашы!
Сұп-суық болып тұр күн неге? Деші
Үнсіз отырмашы, бірдеңе деші...
Қалай сүйетініңді айт!

Толық

Бәлкім...

  • 0
  • 0

Бәлкім, менің болмысым бөлек шығар?!
Ал, сен қалай ойлайсың, зерек шынар?!
Бар-жоғыңды өмірде білу үшін
Әлдекімді сағыну керек шығар?!

Толық

Қарап көріңіз