Өлең, жыр, ақындар

Сен де мені тергемеші

  • 06.10.2020
  • 0
  • 0
  • 1283
Сен де мені тергемеші
Шалқасынан туған айым.
Жер болғанда жерлемеші,
Мен де сені қинамайын...
Көтеріп кет көкте Күнді,
Алып қалам туған Айды.
Қалдыр маған көктемімді,
Жұтпасыншы ол да қайғы...
Екеумізге не жетпеді?
Бәлкім, ауа? Әлде Күн бе?
Жел несіне өбектеді?
Ынтызар ма әлдекімге?
Бөліспей-ақ ұмытайық,
Бөлінбейтін заңдылықты.
Келші, мұңды жылытайық
...Таң қылықты... жан күдікті...
Кешір желдің бостандығын,
Тым кешіккен көктеміңді!
Келер, бәлкім, тосқан күнің,
Суықсың деп сөкпе мұңды...
Бәрібір ғой, жазам осы –
Сүйе берер жүрек Айын!
Сен де мені қажамашы,
Мен де сенен сұрамайын!



Пікірлер (0)

Пікір қалдырыңыз

Жеңіс пе бұл?

  • 0
  • 0

Жеңіс пе бұл? Жоқ әлде жеңіліс пе?
Сен сүйдіре алмайсың мені күштеп...
Шұғынықтай құлпырып шыға келсем,
Шықпай қалар құмығып демің іштен.

Толық

Ақша бұлтқа тығылады Күн неге?

  • 0
  • 0

– Ақша бұлтқа тығылады Күн неге?
– Ол не сонша? Үлде менен бүлде ме?..
...Жарығым-ау! Таласпаңдар жарықпен
Және жарық адамдарды күндеме.

Толық

Қоршауы жоқ жүрекке тасқын кірді

  • 0
  • 0

Қоршауы жоқ жүрекке тасқын кірді,
Жотасымен жоқ қылды қашық гүлді...
Аласапыран бұлқыныс өлер еді-ау,
Өлмей қойған сағыныш асқындырды.

Толық