Жеңіс пе бұл?

Жеңіс пе бұл? Жоқ әлде жеңіліс пе?
Сен сүйдіре алмайсың мені күштеп...
Шұғынықтай құлпырып шыға келсем,
Шықпай қалар құмығып демің іштен.
Мен – зәмзәммін көңілден көңіл ішкен,
Бола алмайды Сезімнен Өмір үстем.
Барлық бақыт жеңісте деп ойласаң,
Ләззат алуды үйренем жеңілістен.
Бір шық жерге құласа мөлдіреген,
Хабар айта көрмеңіз: «Өлді!» деген.
Жеңілісім жеңіс ол... желбіреген...
Хат та күт пе, хабар да енді менен...

---