Өлең, жыр, ақындар

Тағдырымның ең керемет сыйлығы!

  • 11.10.2020
  • 0
  • 0
  • 1495
Қарашы әне,
Арай шашқан ақ таңды- ай.
Кездесіп ек сол бір бақта, батқанда «Ай»,
Таңның нұры айналаға шашырап,
Несібесін бөліп беріп жатқандай.
Махаббаттың балын татып, ұғынып,
Бір үмітті, жетеледі бір үміт.
Ақ білегің мойыныма оралып,
Құшып тұрдың,
Құшағыма тығылып.
Қызғанып бір, өзге түгіл өзімнен.
Ерініңнен ыстық демің сезілген.
Ерекше бір сезім сиқыр арбады,
Елес болып көрінердей көзіңнен.
Бал сезімнен тәнім еріп балқыдым.
Ыстық леп па,
Отқа оранып, алқымым.
«Тағдырымның ең керемет сыйлығы,
Өзің ғана дей бердім-ау» – алтыным.
Неге,
Қалай,
Бүгін ерте таң атқан?
Дәл осылай атса екен ғой, әр ақ таң.
Пендесіне махаббатты сыйлаған,
Қандай ұлық едің-ау сен, Жаратқан.
Ғашық ғұмыр,
Серттескенбіз – «Сенші» – деп.
«Сүйем – дедің – уәдеңді берші» – деп.
Маңдайыма бұйырған бақ өзіңсің,
Мен өзіңді алып кеткем еншілеп.
Сөге берме махаббатқа массың деп,
Бақыт күнді бұйыруға жазсын тек.
Таңда тұрып, бір Алладан тіледім,
Бір жастықта қартаюға жазсын деп.



Пікірлер (0)

Пікір қалдырыңыз

Түндерде ұйықтай алмай

  • 0
  • 0

Түндерде ұйықтай алмай,
Мең зең бір күй кешемін,
Ол, Тамұқтағы елес!
Көтере алмай елдің өсегін,

Толық

Осы ма еді, аңсап күткен арманым

  • 0
  • 0

Осы ма еді, аңсап күткен арманым.
Үңірейген жыртық үйдей жан-жағым.
Жалғыздықта тұншығамын еріксіз,
«Жақсы, әке» деп, кеткен кезде балдарым.

Толық

Денис Тенді аза тұту

  • 0
  • 0

Айдынын тастап ұшты аққу арман.
Қаңқылдап өте барды гәкку жалған.
Бақа-шаян ылайлап тұнығыңды,
Иір-иір іздерді аққу салған!

Толық

Қарап көріңіз