Биіктік

Балықтың елге мәлім, су да бары.
Ауға түссе басылар тулағаны.
Әйелдің торы мықты, басыларсың,
Ұнайды, үйде бала шулағаны.
Жүрегім неге нәзік, неге менің.
Атасының баласын егеледім.
Бір Алладан сұраймын, өмір берші,
Бәтеңкесін байлайтын немеренің.
Тілек айтсам, шөберем сүйіп тұрып.
О жарандар,
Бір күндік, күйікті ұмыт.
Өмірден өтсем екен, тілегім сол,
Ар менен намысымнан, биік тұрып!

---