Әкемдей болсам жетеді – Абдулмахмуд Пошатаев

Кешір Алла, пенделік пен қатемді.
Жақын болып кетті ма әлде, жат енді?!
Ақылына құлақ салғын жарандар,
Қадір тұтып, көп жасаған әкеңді.
Қиын қыстау шақтарды да өткерді.
Өткен өмір- онда жатыр көп белгі.
Ірілері, інілері бас иген,
Бағындырған батырың мен бектерді.
Әке, жөнің ерекше ғой білемін.
Бақ дарыған асылдардың бірі едің.
Ағайынға тек жақсылық тілеген,
Қариясыз, мінсіз ғана жүрегің.
Көп көргеннен сұра дейді тілекті.
Сөзің әділ, жүрегіме жыр екті.
Сүрінгенде бұл жалғанның сынынан,
Қорғағансың түріп алып білекті.
Ешкім мені айта алмайды ерке деп.
Құшағыңда өссем дағы еркелеп.
Сағынышты жүрегіме жасырып,
Қастарыңнан кеттім ғой мен ертерек.
Бір бала бар жасқа толған етегі.
Бір бала бар әкесінен өтеді.
Өміріне өкпелі жан мен емес,
Тап әкемдей болсам маған жетеді.