Әріптеске

Жаралған жансың досым, бағың нұрдан.
Бірнеше белестерді бағындырған.
Бір жүріп, ойнап күлген әріптесім,
Өлең шықты көмейден сағындырған.
Қадірлеп адамзатты, досты, бәрін,
Мерейің үстем болды, өсті бағың.
Әкесін ерекше бір құрмет тұтқан,
Аман болсын қызғалтақ, қос шынарың.
Жасқа жеттің бұл күнде, зейнеткерлік.
Біз қанша уайым жедік, бейнет көрдік.
Қаскөйлер аяқтардан шалса дағы,
Басшы боп екі ауданды билеп бердік.
Мүшел жасың оң болсын, берекелі.
Өлең жаздым ұлықтап мерекені.
Жаны жайсаң жансың ғой, жасай берші,
Елі ғана ерлерді, ер етеді.