Өлең, жыр, ақындар

Ана тілін ар тұтқан қазақ елі

  • 02.11.2020
  • 0
  • 0
  • 1219
Ана тілің – арың бұл!..
(Қ Мырзалиев)

Ана тілін ар тұтқан қазақ елі,
Әдебиеті сондықтан ғажап еді.
Бабалардың болмаса тіл мен руһы,
Вандалистке айналуы аз-ақ еді.
Гүрілдеген руһ пенен болмаса тіл
Ғұмыр кешу мүмкін деу далбаса тым.
Дегенімен ондай ел көп әлемде,
Егесініп әлемді паң басатын.
Жаралған сөз әуелде, келеді аман,
Заман жазған куә көк көне ғалам.
Иреленген ғасырдан көк бөрі еміп,
Көне көзін көрген – тіл, демек Анаң!
Қасиетін сезер ме ед қазақ әбден,
Ластама Ана тіліңді, азар әлден!
Мағынасыз сөйлесем тілді ардақтап,
Нақ мынадай өлеңді жаза алар ма ем?
О, данышпан, көп көрген тілім арда,
Өзенідей Алаштың тұнық арна.
Пайғамбарын Абайдай парасаттың,
Расында сен қосқан-ең ұлыларға.
Сан ғасырлар нешеме шектің азап,
Тыйым салып өзіңе, етті мазақ.
Уласа да ұлтыңның санасын сан,
Ұмытпады өзіңді текті қазақ.
Үстем таптың босанып бодауынан,
Феодалдың құтылып, о, дауынан,
Хұрсант қылып оралдың тәуелсіз боп,
Центнер-центнер арылды-ау сана уынан.
Шыдамдысын нәп-нәзік өзегіңнің,
Ықылымнан сабырлы-ең, төзе білдің.
Іңгәлатқан зар заман қалды артыңда,
Япырым-ау, шарықта, өз елің бұл!



Пікірлер (0)

Пікір қалдырыңыз

Ақпан кірген еріне сылқым аттап

  • 0
  • 0

Ақпан кірген еріне сылқым аттап,
Қарын үйіп-төгіп сап тым-тым аппақ.
Бұл мезгілде кетуші-ед түлкі қаптап,
Тазысын-ап шал шықты мылтық оқтап.

Толық

Утопия

  • 0
  • 0

Нені және білмедім, кімді іздедім,
Жалғыз жанған таңдағы жұлдыз ба едім.
Күні ме едім ақпанның отызыншы,
Енбей қалған ішіне күнтізбенің.

Толық

Ақ қар

  • 0
  • 0

Кербездене жайнап сылқым қыс керім,
Ағартуда дала, қырдың үстерін.
Қызықтаймын терезеден ақ ұлпа,-
Қардың билеп жапалақтай түскенін.

Толық

Қарап көріңіз