Құс ғұмыр

Іздеп сені таңдардан төккен арай,
Жібек самал аймалап өпкен талай.
Адам емес, құс болып туғанымда,
Қанат қағып ұшар ем көкке қарай.

Жүрегімнің жартысы көкте ме едің?
Шыңында ма жоқ әлде Көктөбенің?.
Жанарыма жас толып мөлтілдеген,
Шер тарқатып тағдырға өкпеледім.

Қайда екен мен іздеген ерке қыз?,
Мезгілінен келіп жетті ерте күз.
Қалықтаған құстарға көп қараймыз,
Сағыныштан ішкі шерді шертеміз.