Өлеңдер - Bilim

Baglan__ergali

Сүйіп тұрып кетеріңді кім білген?
Кеше жүр ек қырда теріп бүлдірген.
Аққу мойын, аруым қайдасың сен?
Пәк сезімін күлкісімен білдірген.

Іздеп сені таңдардан төккен арай,
Жібек самал аймалап өпкен талай.
Адам емес, құс болып туғанымда,
Қанат қағып ұшар ем көкке қарай.

Күле қарап күн арайлы үздігіп,
Жер ананы сәулесімен қыздырып.
Табиғатты тамашалап, ән салып,
Көк майсаны басып келед(і)қыз, жігіт.

Жер бетіне шуақ шашып арайлы,
Көкжиектен күн күлімдеп қарайды.
Айдын көлді тебірентіп қос аққу,
Ақ ұлпадай мамықтарын тарайды.

Жүрегімнің сыңары егіздейсің,
Мен тұрғанда, өзгені неге іздейсің?
Бақтың ішін өзге жан аралап жүр,
Маған неге жемісін жегізбейсің.