Сайлаухан Нәкенов

Жез даңқы

Бұл бетте «Жез даңқы» атты Сайлаухан Нәкенов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

29.11.2020
0
0
1121

Тарихтан сұра, не елден,
Сарыарқа деген ежелден
Асу да асу бел екен,
Байлығы шалқар көл екен.
Кенге де, малға бай тiптi,
Көргендер жыр ғып айтыпты.
Бiлiмпаз, небiр ғұлама
Қия алмай қарап қайтыпты.
Жан-жаққа тарап жол жатты,
Келгендер қанша олжа апты.
Бiлгiрлер сонда жез даңқын
Жүз мың жыл бұрын болжапты.
Көрген көз бiрден таныпты,
Талайы қонып қалыпты.
Жетi Кеңгiрi — жетi өзен
Қалайы болып ағыпты.
Бар қазақ соны бiлiптi,
Ырысын жердiң ұғыпты.
Сап-сары сазы сұп-сұлу
Құмыра болып шығыпты.

Сайлаухан Нәкенов жез даңқы Сайлаухан Нәкенов өлеңдері

Пікірлер (0)

Пікір қалдырыңыз

Жиі қойылатын сұрақтар