Сайлаухан Нәкенов

Әнші болсаң, шыдаңдар

Бұл бетте «Әнші болсаң, шыдаңдар» атты Сайлаухан Нәкенов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

29.11.2020
0
0
927

Әнші болсаң, шыдаңдар,
Айтылады бесiк жыр.
Небір сұлу сылаңдар
Шақырылған десiп жүр.
Талант бар ма тежелген,
Сөйлейдi онда шаңқобыз.
Той болған соң, ежелден
Тiгiледi сан тоғыз.
Шабан мiнген қор болар,
Қыз қуады жiгiттер
Жарысады жорғалар,
Үмiткер көп, үмiткер.
Жарасады жарқылдап
Жүйрiктердiң үстiне ер.
Жұрт қол соқса қарқылдап,
Күреседi күштiлер.
Ұзын сөздiң жүйесi –
Той бар дейдi далада.
Шаңырақтың иесi –
Жаңа туған балаға.
Жата алмаймын ендеше,
Жатқызбайды желiгiм.
Өмiр қайтып келмесе,
Халатыңды ал, келiнiм.
Кетем қазiр ауылға
Мен даланы сүйiп ем.
Шыдағанмен дауылға,
Қуанышқа иiлем.

Сайлаухан Нәкенов әнші әнші болсаң шыдаңдар... Сайлаухан Нәкенов өлеңдері

Пікірлер (0)

Пікір қалдырыңыз

Жиі қойылатын сұрақтар