Сайлаухан Нәкенов

Қалауынан жүректің қайта алмадым

Бұл бетте «Қалауынан жүректің қайта алмадым» атты Сайлаухан Нәкенов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

29.11.2020
0
0
874

Қалауынан жүректiң қайта алмадым,
Мен өзiңдей күн iздеп, ай таңдадым
Өлiп-өшiп сүйсем де, жан сезiмiн
Айта алмадым, қалқажан, айта алмадым.
Сен өмiрге өзiңдi еркелеттiң,
Өзге қыздан өзiңдi көркем еттiң.
Жалғыз ауыз сөзiңмен елжiретiп,
Оттай ыстық лебiңмен өртеп өттiң.
Бір ауылға сен өзiң сән боп өстiң,
Кешке тостым жолыңды, таңда тостым.
Айта алмадым сонда да, айта алмадым,
Айтылмаған арманды әнге қостым.
Алданбапты арманым, алданбапты,
Сақтап жүрем өзiңнен алған хатты.
Сенiң сөзiң – мен үшiн зәмзәм суы,
Сенiң сөзiң мен үшін балдан тәттi.

Сайлаухан Нәкенов жүрек қалау қалауынан жүректің қайта алмадым... Сайлаухан Нәкенов өлеңдері

Пікірлер (0)

Пікір қалдырыңыз

Жиі қойылатын сұрақтар