Мұңымды бұлттарға айттым – Әскерхан Ақтай

Бұл бетте «Мұңымды бұлттарға айттым» атты Әскерхан Ақтай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 30.11.2020
  • 0
  • 0
  • 1145
Тілекті тәңірге айттым,
Жалғанда жалқымын деп.
Жаратқан әмірге айттым,
Жаздың да салқыны көп...
Алғысты анама айттым,
Жарыққа әкелдің деп.
Сағынған санама айттым,
Айды да әперді деп.
Мұңымды бұлттарға айттым,
Мен болып егілсін деп.
Уайым жұтқанда айттым,
Көз жасы төгілсін деп.
Сезімді гүлдерге айттым,
Күзде де жайнасын деп.
Түн перде түргенде айттым,
Бұлбұлдар сайрасын деп.
Жырымды желге оқыдым,
Қалқаға айта бар деп.
Көкорай белде оқыдым,
Даусымды қайталар деп.
Күйімді тауға арнадым,
Іңірде күрсінбе деп...
Самалды саумал дәмін
Сағынып жүрсің бе деп.
Ойға нұр түсіретін,
Шынымен сезім ғана.
...Өзімді түсінетін,
Жалғанда Өзім ғана...


Пікірлер (0)

Пікір қалдырыңыз

Жиі қойылатын сұрақтар

Мұңымды бұлттарға айттым өлеңінің авторы кім?

Әскерхан Ақтай — осы өлеңнің авторы.

Мұңымды бұлттарға айттым өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Мұңымды бұлттарға айттым өлеңі не туралы?

Бұл өлеңде Әскерхан Ақтай өз ойы мен сезімін көркем түрде жеткізеді.

Мұңымды бұлттарға айттым өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері