Өлең, жыр, ақындар

Өмірімнің бір сәті...

  • 01.12.2020
  • 0
  • 0
  • 914
Айда кейде көлге нұрын сеппейтін,
Болсадағы күлкің бал,
Мәңгі бақи есіңнен ег кетпейтін,
Өміріңде бір күн бар!

Көктем сазы құс үнімен тіл қатты,
Аққайыңдар сыр сақтар.
Өміріңде бәрінен де қымбатты,
Қайта оралмас бір сәт бар!

Құрлықтар мен мұңлықтардың арасын,
Құс қанатты жыр жалғар,
Кім жазады-ау жүрегіңнің жарасын,
Сені күткен бір жан бар!

Кең аспанның секілді бір тіреуі,
Тау жамылып таң нұрын.
Жымыңдаған сан жұлдыздың біреуі,
Бәлкім, сенің тағдырың!

Шыны ғұмыр сынса егер қалпына,
Келтіре алмас мың шебер.
Ғарыш жақтан сәуле тастап артына,
Жұлдыз тағдыр бір сөнер!



Пікірлер (0)

Пікір қалдырыңыз

Угай,угай, әй угай

  • 0
  • 0

Маусым, мамыр дегенде, маусым, мамыр,
Естіледі сазды сыр даусыңнан бір.
Себезгі нұр себелеп бозбеткейге,
Селеу басы шайылсын жаусын жаңбыр.

Толық

Гүл маусым

  • 0
  • 0

Бәйшешек белес - гүл маусым,
Нұр жаусын, көктен нұр жаусын.
Сызылтқан әнің сырнаймен,
Құлақтан кетпей жүр даусың.

Толық

Салайын саған бір ән Семейім...

  • 0
  • 0

Ұлық-Семейім,
Тұнық-Семейім.
Жүректі өзің,
Жылыт Семейім.

Толық

Қарап көріңіз