Сен мені ішіңнен түсінесің

Сен мені ішіңнен түсінесің,
Сыртыңнан тек түсінбеген боласың.
Жұрт көзінше бақаша ісінесің,
Үрген қарындай кейін соласың.
Күйдіріп шылым сар текпін ерніңді,
Ішіңді қызғаныш жыландай жалайды.
Білем мен сенің арғы-бергіңді,
Көргенмін мен де талайды.
Айрылар таңың аттыға ілесіп,
Жеткізбес саған есек дәме.
Көрші сен менімен бір күресіп,
Баққанша інде байғызша бәле!..

---