Шер... үміт

Сайран Далам-ай,
Айман Далам-ай...
Өкшесін саған батырып,
Келімсек пенен кірмелер
Тайраңдағаны-ай.
Өзіңе ие болатын жандар,
Төсіңді ойрандағаны-ай.
...Осынау жерді
Кім үшін қорғап едің сен,
Дулыға киген қайран бабам-ай?!
Тас мүсін дара қалпыңа тіл бітсе егер,
Не дейсің бізге балбал-данам-ай?
Ұрпағыңның мынау ұсақталып кеткен,
Қатер-қауіпті аңғармағаны-ай.
Қайда барасың,
Аңқау баладай,
Әркімге алданып біткен аңғал қоғам-ай...
Жаратқан Ием,
Қазаққа ғидаят берші,
Үмітпен әлі күтеміз
Таңдардан арай...