Өлең, жыр, ақындар

Ермек болып күн сайын ғаламтор тек

  • 23.12.2020
  • 0
  • 0
  • 735
Ермек болып күн сайын ғаламтор тек,
Қалғандай қайран досым – қалам қор боп...
Серігімді қайтадан қолыма алдым
Жыр бастар – бір бастаса саған жол деп.
Демеймін артқандықтан бақ-талабым,
(Бәлкім, бұдан басқа түк жоқ амалым).
Өзімнен бұрын жалғыз Хаққа мәлім
Бір сырымды мен саған ақтарамын.
Болса да ойы шолақ, ақылы кем,
Сезімін жасыра алмас ақының ем.
Оңынан туса айы шайырлардың
Алдымен ел ішінде аты жүрер.
Шықпаса да әзірге атым дардай,
Келешектен алар көп хақым бардай.
Жақұтым, сен бір қадам жуықтасаң,
Бақытым екі қадам жақындардай.
Жанымды Алла жырмен жарық етті,
Жыр – ақынның байлығы, бары депті.
Сені сүю үшін де тағы маған
Сыйлапты ғашық болу қабілетті.
Махаббатсыз тартады қу жан солғын,
Өлеңсіз де артады мұң-зар сорлың.
Арзу болған көңілге дәру Ару –
Сен менің Музам болғын?!



Пікірлер (0)

Пікір қалдырыңыз

Әке туралы ода

  • 0
  • 0

Абзал жан ең, тұла бойың нұр тұнған,
Тірек едің бізге қолын ұмсынған.
Арамызды ажыратты, амал не?
Алып ажал келді дағы тылсымнан.

Толық

Анама

  • 0
  • 0

Тал бесікте түнімен
Ұйқы көрмей тербеттің.
Мәпелеген ұлың ем,
Бүгін, міне, ержеттім.

Толық

Дерматоглифика

  • 0
  • 0

Дей бер мейлі мұны жаңсақ мағына,
Мен өзіңнен бір сыр аңсап жаныма,
Үңіліп ем нәзік алақаның мен
Сүйрік саусақтарыңа.

Толық

Қарап көріңіз

Басқа да жазбалар

Пікірлер