Өлең, жыр, ақындар

Алмасып жарық күн мен қараңғы түн

  • 02.01.2021
  • 0
  • 0
  • 593
Алмасып жарық күн мен қараңғы түн,
Тұлғаммен ертеңге еніп барам бүтін.
Түпсізге қайырылмасқа аттанбаққа,
Түбі бір кесіледі адамға үкім.
Сол күні кетер ара шын алшақтап,
Құм басып жоғалады-ау мынау соқпақ.
Достық бар, одан өзге ештеңе жоқ,
Біздегі бар белгіні тұрар сақтап.
Достық бар, одан өзге ештеңе жоқ,
(Болмаса болмашыдан сескенер ек).
Сезімнің секем салар бәрі алдамшы,
Ертең — сау, түсте — дертті, кеште — медет.
Білмеймін менің сырым кімге аянын,
Күн сайын үміт қашып, ұлғаямын.
Санама саңылаудан сәуле салған,
Жалғыз дос — жанға дауа жырды аядым.
Жалғыз дос жанға дауа жыр ғана ма,
Есілген есіл жігер құм қалада.
Тәңірім, тәспіқ ұстар медет берші,
Жүрегі жырым-жырым бір балаға...



Пікірлер (0)

Пікір қалдырыңыз

Мен қысты күтем

  • 0
  • 0

...Мен қысты күтем,
Сағынам аппақ қарды,
Жердің тәні қымтанар ақ мақпалды.
Күннің нұры тайғанап қыр-қыраттан,

Толық

Бір кісі

  • 0
  • 0

Құйрығын бұтқа тығып ап,
Маңқ етіп үрді қырт төбет.
Зарланып қайда ұлымақ —
Ұлығанды ұғар жұрт керек.

Толық

Ондық шам

  • 0
  • 0

Тұсыма кеп бекітерде түн ірге,
Ондық шам боп сығаладым іңірге.
Батқан күннің барша нұрын сіміріп,
Жалыныммен көр ызғарын бір ұрып,

Толық

Қарап көріңіз

Басқа да жазбалар