Өлең, жыр, ақындар

Өзіммен шайқасып келем

  • 07.03.2021
  • 0
  • 0
  • 513
Ей, менің, өтіп жатқан минуттарым,
Өмірдің жұқтыр бойға сый қып, нәрін.
Тамаша, қызық, думан, әуестіктің,
Бұл күнде жиыстырып, қидық бәрін.
Күш, жігер, қуат кірді сөзіме тың,
Жан болдым құдірет тілін сезінетін.
Өткізіп жатқан мынау өмір, күнім,
Ұсқынсыз көрінеді өзіме тым.
Арман бар, дәрменім жоқ,
Неге десең?
Әл кетті.
Аллаһ өзің демемесең!
Сайысу сыртқы жаумен қиын емес,
Жеңе алмай өзімді-өзім ерегесем.
Тесілген қалың томға сезімменен,
Түндерден не белгі бар көз ілмеген!?
Жанымның жарқыратып ай балтасын,
Шайқасып келем ылғи өзімменен.
Етуге асықпаймын басты құрбан,
Тататын ләззат та бар ашты мұңнан.
Бақыттан сусындауға көзім жетті,
Арылсам кеудемдегі ластығымнан.



Пікірлер (0)

Пікір қалдырыңыз

Қытайда тасыды өзен, сілкінді жер

  • 0
  • 0

Қытайда тасыды өзен, сілкінді жер,
Америка толқын тулап, жұлқынды жел.
Қар жауып, оңтүстікте үсік жүрді,
Ыстықтап Қазақстан жыртылды кер...

Толық

Қосамын бәйгелерге өзімді-өзім...

  • 0
  • 0

Бітпейді тіршіліктің бейнеті мол,
Қамшыдай жон арқамды кейде тілер.
Көргенім көкірекке сәуле беріп,
Біртіндеп көшеттердей ой жетілер.

Толық

Құлдары ұмтылса егер шұғылаға

  • 0
  • 0

Болғанын біле алмадым осым неден,
Бір кезгі алыстадым досымменен.
Жолына қарап әркез отыратын,
Бір үзім нанды бірге тосып жеген.

Толық

Қарап көріңіз