Өлең, жыр, ақындар

Сағынышым – сен ғана

  • 15.01.2022
  • 0
  • 0
  • 976
Тау тылсымын жаным көрді – тылсымымыз тым ұқсас,
Жасылымды жаяйыншы, - босат мені, құлыпты аш!
Қара еді, ағарыпты – су астында тұрып тас,
Сағынышым – сен ғана!

Кемпірқосақ күлді, Күннен – Алтыбақан құрып ап,
Алау гүлдер албырады – жырларыма кіріп ап!
Самал-тентек ұшырды оның - күлтелерін жұлып ап,
Сағынышым – сен ғана!

Өзен-үнге тал жұбанған – мендік арман биікте,
Шыдаймыз ғой, шыдап жүрміз – жер деген бұл күйікке!
Көк-төркінді аңсаған ел – мендей болып сүйіп пе,
Сағынышым сен ғана!

Көкжиек-көл шақырады, – бізге де бір келші-, деп,
Хош иісінен әтір себер, - жырым оған көрші боп!
Сенен алыс қалған сайын, ықыласым өршімек,
Сағынышым сен ғана!

Сұлулықтың сыры – сенде, Жаратқаным, Жасаған,
Мына ақын құлың шерде, көңілі – бұлт, босаған!
Түйедей боп, көтердім-ау, - алып жырға босанам!
Сағынышым – сен ғана!



Пікірлер (0)

Пікір қалдырыңыз

Дүние жалған екен

  • 0
  • 0

Мына дүниенің сыртына – шығып кеткелі, мен қашан,
Іздеуді қойған, таныстар – жердің бетіне қонбасам.
Көкжиектегі алауға ілініп қалған – қан-жоса ән,
Дүние – жалған екен!

Толық

Сенің Жамалың ғана

  • 0
  • 0

Көзімнен бұршақ парлады,
Жаным жеті аспанды шарлады.
Жанның ынтызар бар ма әні?
Сенің Жамалың ғана!

Толық

Ғашықтардың мекеніне қарай

  • 0
  • 0

Самал жүгірді – гүлдерден гүлге,
Өртеніп алып, сіздегі Күнге!
Өзімді тастап, кеткенмін, мүлде,
Ғашықтардың мекеніне қарай!

Толық

Қарап көріңіз