Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Гүлнәр Шәмшиева

Ризалық туын көтерейік

Бұл бетте «Ризалық туын көтерейік» атты Гүлнәр Шәмшиева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.01.2022
0
0
711

Жаңбыр-досымның жанға сыйлаған көлін көр,
Сексен мұхитты шайқайтын Рухтың елін көр!
Бақытсыздықтың жаназасына келіңдер,
Ризалық туын көтерейік!

Жыр-үкі тағып, дүр- гаухар қадап, маңдайға,
Торда қалдым-,деп, бұлбұл сыймады, таңдайға!
Ең зор қайғы да бақытты жанды таңдай ма,
Ризалық туын көтерейік!

Оны танысаң, жалған дүние тар екен,
Бұл – қасиеттілер кешкен хал екен!
Жаны жомарттар -Жамалына Иенің зар екен,
Ризалық туын көтерейік!

Көзіңді аш, пенде, - дүние байлығы – ләззәт па?
Расул с.ғ.с. үмметім -, демес, залым, бетпақ, кәззапқа.
Не берсе де – риза болайық, Раззаққа,
Ризалық туын көтерейік!

Гүлнәр Шәмшиева ризалық туын көтерейік Гүлнәр Шәмшиева өлеңдері

Пікірлер (0)

Пікір қалдырыңыз

Жиі қойылатын сұрақтар