Өлең, жыр, ақындар

Жапырақ дүние

  • 15.01.2022
  • 0
  • 0
  • 576
Жапырақ-дүние – ұшып та бір күн кетерсің,
Бір күні – у-сың, бір күні – тәтті шекерсің!
Жан біткеннің дүниеден бәрі өтер шын,
Жапырақ дүние – ұшып та бір күн кетерсің!

Көл бола алдың ба, - шомылып алар, бал құрақ,
Жар бола алдың ба – қырандар қонар, албырап?
Пасық боп өтсең – өмір сүргенің сандырақ,
Жапырақ- дүние – ұшып та бір күн кетерсің!

Жүрекке зәмзәм ұсына алмасаң – не тірлік,
Махаббатымды жоғары жаққа көпір қып.
Жалғанда мынау – жетім боп жүріп, жетілдік,
Жапырақ дүние – ұшып та бір күн кетерсің!

Құр ішіп, жеумен, қарын тойғызып, аттансаң –
Жәһәннам тартар – тәкәппар, залым боп қалсаң!
Жәннәт тартатын – періште халге тоқтал, сен,
Жапырақ дүние – ұшып та бір күн кетерсің!

Намазың жоқ па? Өкпең қысылар – ол жақта,
Шапағат сұра – Расулға с.ғ.с. пірге жалтақта!
Ашылсын бізге – жәннәтқа апарар сол қақпа,
Жапырақ дүние – ұшып та бір күн кетерсің!



Пікірлер (0)

Пікір қалдырыңыз

Мың гүлді құшақтап тұрмын

  • 0
  • 0

Жанымда жарқырап өлең
Мен оны халқыма берем.
Жұпары – аңқыған ерен,
Мың гүлді құшақтап тұрмын!

Толық

Қуаныш жасы

  • 0
  • 0

Күз жапырағымен дос болып жүрдім, үзіліп,
Ауада бірге сенделіп.
Ұшу бақытыма тау да тұрды, қызығып,
Самалыма емделіп.

Толық

Жанымның мозайкасы

  • 0
  • 0

Жанымның мозайкасы
Қызыл-жасыл гүлдерден өрілді ме,
Жарық алып барады, төрімді де.
Тәтті қылып, төгілген шерімді де

Толық

Қарап көріңіз