Өлең, жыр, ақындар

Ойнап жүрген бір сәби: «Ұшқыш болам» деп күледі

  • 12.02.2021
  • 0
  • 0
  • 490
Ойнап жүрген бір сәби: «Ұшқыш болам» деп күледі,
Қажетінше суғарсақ, солдырмаспыз көп гүлді.
«Болам, – деді, – ғарышкер».
Тампыш танау кекілді ұл,
Армандары тым биік, қиялдары екпінді.
Тыңдамады ешкім де сәбилердің былдырын,
Шешіп қойған тағдырын ата-анасы күн бұрын.
Роялға апарып, отырғызды шегелеп,
Кетті үзе алмай небір тай тас байланған шылбырын.
Мынау өмір қып-қызыл қайнап жатқан қырман, ә-ә,
Қайна-қайна бірақ та, сыбағамды ұрлама.
Бұрымды қыз аңғалсың, мініп алып сырғаңа,
Ғарышқа ұшты асқақтап, шәркей киген бір бала.
Тартып жүрміз тірлікте тауқыметтің құнын кіл,
Бармақ тістеп өкінді бір кездегі тұлымды ұл.
Байқоңыр тұр тәкаппар, босағадан қаратпас,
... Шаға алмайтын ешкімге, айта алмайтын мұңым бұл.



Пікірлер (0)

Пікір қалдырыңыз

Қарындасым, Гүлзираш, айналайын

  • 0
  • 0

Қарындасым, Гүлзираш, айналайын,
Кенеуі жоқ бұ тірлік жалған, айым.
Бүгін-ертең дертімнен сауығармын,
Бекер босқа мені ойлап болма уайым.

Толық

Шырғалаң, ұғынбас жан аңдап

  • 0
  • 1

Шырғалаң, ұғынбас жан аңдап,
Жүрмейді арбамыз, шабан ба ат?
Керзаман кесірі кеулейді,
Көңірсік кеудемде жалаңдап.

Толық

Кеспіріңді кескіндеген тым қатал

  • 0
  • 0

Кеспіріңді кескіндеген тым қатал,
Өседі ме аңызақты құмда тал?
Сексеуілдей қасіретті бейнесің,
Бір күлгенің, мұңлық анам, қымбат ал.

Толық

Қарап көріңіз