Өлең, жыр, ақындар

Бәсіре

  • 12.02.2021
  • 0
  • 0
  • 928
Өмір біздің ойлағаннан басқарақ,
Көңіл кейде қасқырдан да ашқарақ.
Адамдардың бәрі бірдей бақытты,
Тек бақытсыз: сыр алдырар қас-қабақ.
Күрсінесің дидарына бір қарап,
Мұң жатады жанарында бір қабат.
Уақыт шіркін, бейапарсыз диюана,
Біртін-біртін нәрін … бәрін ұрламақ.
Кете барар бар жақсылық жылыстап,
Тұрар дейсің уысында кім ұстап?
Асыл сезім айналады жасыққа,
Ыстық жүрек өрекпіген суыспақ.
Неткен жалған дүние бұл – әсіре,
Тірлігіңнің түйінделер бәсі не?
Бұлғақтаған сұлуға да, байға да,
Түбі әйтеуір бір уайым – бәсіре.
Шын баянды болатынын қандай құт?
Біле алмадық.
Ештемеде қалмайды ұқ.
Жапа-жалғыз өзің ғана қаласың,
«Бәсіреңді» басыңа үйіп таудай ғып …



Пікірлер (0)

Пікір қалдырыңыз

Алқаптарда ақ боран ақияды

  • 0
  • 1

Алқаптарда ақ боран ақияды,
Арбасармыз екеуміз бақи, әлі ...
Құтырғанда бұл заман,
Тым байсалды,

Толық

Сын сағатта жалт беретін жалғандық

  • 0
  • 0

Сын сағатта жалт беретін жалғандық,
Біле тұра ... қанша соған алдандық.
Қалпағымды «алшы киген» тұстарда,
Кісіліктің бетін кеттік дал-дал ғып.

Толық

Мен өмірдің өткінші бір нөсері

  • 0
  • 0

Мен өмірдің өткінші бір нөсері,
Белгілі ғой ала бұлттың көшері.
Қолың бұлғап, шығарып сал,
Қайтты әттең,

Толық

Қарап көріңіз