Әділбек Ыбырайымұлы

Өксігіңді баса алмай кемсеңдедің

Бұл бетте «Өксігіңді баса алмай кемсеңдедің» атты Әділбек Ыбырайымұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.02.2021
0
0
633

Өксігіңді баса алмай кемсеңдедің,
Арманыңды күл етті ең сенгенің.
Кірпігіңді қуалап жас тамады,
Жұбатам деп мен сені белсенбедім.
Өмір бізді айдады соқпағына,
Келіспеймін тағдырдың тоқтамына.
Аптабына араптың апталғанмын,
Жандыра алмас жанымды от та мына.
Іркілмедің, жасыңды тия алмадың,
Сығымдады миыңды қияндағы үн.
Азып-тозып, барасың аймен бірге,
Сенің балғын кезіңді қиялдадым.
Арман, арман... барлығы – аңыздай шын.
Жүйрік жылдар жалмауыз, жауымдайсың.
Бір тал жас боп үзілсем ел көзінен,
Көп көресің соны да тамызбайсың.

Әділбек Ыбырайымұлы өксігіңді баса алмай кемсеңдедің Әділбек Ыбырайымұлы өлеңдері

Пікірлер (0)

Пікір қалдырыңыз

Жиі қойылатын сұрақтар