Өлең, жыр, ақындар

Тағы бүгін таусылдым табанымнан

  • 12.02.2021
  • 0
  • 0
  • 706
Тағы бүгін таусылдым табанымнан,
Түк шықпады таудай-ақ талабымнан.
Жоқтығы ғой бармақтай бақтың баста,
Сорым екен көремін тауанымнан.
Құрсын бәрі ішейік, тайынбайық,
Әкетті алыс жағадан уайым-қайық.
Әбубәкір, жыр оқы серпілтіп бір,
Болып жатыр кеудемде ойым майып.
Тұрар дейсің өмірдің несі есімде,
Пәтер тауып тағы, Әбіш, көшесің бе?
Жүрген кезде арманға иек артып,
Қалармыз ба астана көшесінде?
Көр де жырла тәлейдің шырғалаңын,
Айырмасы көп бөлек қыр, қаланың.
Дәптерімді қолға алсам, қаламымды,
Жұбайымның жасына бір маламын.
Еңбегіміз кетпесін, құрдасым, еш!
Жырларымыз жылатып, құмға сіңбес.
Тұғырымыз биіктен қол бұлғар-ау,
Бағамызды алармыз бір ғасыр кеш.



Пікірлер (0)

Пікір қалдырыңыз

Ойын

  • 0
  • 1

Аптап күннің бірі-тын ыстығы асқан,
Тұнжыр әлем – сүреңсіз мысты басқан.
Су шашысып ойнадық, алаңсыз біз,
Түк қалмады – малмандай – үсті-бастан.

Толық

Перідей сұлу періште пешенемдегі

  • 0
  • 1

Перідей сұлу періште пешенемдегі,
Сен тіккен отау – жұмақтай, кесел енбеді.
Еміздіктетіп сезімді ессіздендірдің,
Махаббат – шарап меймілдеп, еселенбеді.

Толық

Мен кеттім қияли боп, лақсаланып

  • 0
  • 0

Мен кеттім қияли боп, лақсаланып,
Жылт еткен бір нәрсені бақ санадық.
Көкжалқақ мұнар шалған мұңды әлемнен,
Жарады, жаным сені, тапсам анық.

Толық

Қарап көріңіз