Өлең, жыр, ақындар

Нала, наза

  • 12.02.2021
  • 0
  • 1
  • 803
Нала, наза –
Еншіңде
Ертеңгі күн,
Көтереді бізді ойлап желкенді кім?
Мен кетермін мәңгіге сапар шегіп,
Қабағыңды шытпашы,
Еркем, бүгін.
Жоғалтты ма қу тірлік мағынасын?
Әлі-ақ, сәулем, осыны сағынасың.
Кірпігіңді шылама жасқа малып,
Бекер босқа таусылып, нағыласың?
Білем, білем тағдырым зарлатады,
Алдым жазық көрінер – жар жатады.
Күстаналап сен мені қажай берме,
Махаббаттың мазарын шарла тағы.
Күрсінемін,
Қайда әлгі еркелігің?
Маған кейіп жүресің ертелі күн.
Болмадым ба аңыздың батырындай,
Болмадың ба сұлуы ертегінің?
Бара жатыр ұлып ой қайда лағып?
Құрсауына түсіріп, байлап алып.
Мен өзіңді сүйемін басқаны емес,
Сен де мені сүйесің, айнам, анық.
Сезім неткен тым тәтті –
Балдай,
Ұқшы,
Қос аққудай жұп жазбай самғайықшы.
Бұл жалғанда жүргенде қадірді ұқпай,
Ақыретте адасып қалмайықшы.



Пікірлер (1)

Пікір қалдырыңыз

Балбырап атқанымен мамыр таңы

  • 0
  • 0

Балбырап атқанымен мамыр таңы,
Жайнамай жаным менің жабырқады.
Жасырған жанарыңның жұмбағы көп,
Сол мені ауыртады, аңыртады.

Толық

Жүрегім

  • 0
  • 0

Жүрегім
Мұң-батпанға төтемедің,
Қайтейін көрінгенді «көкеледім».
Бір күні көзім жұмып қалғанымда,

Толық

Шырайлы шырағым-ай

  • 0
  • 0

Шырайлы шырағым-ай,
Өмірдің мәні неде?
Біздерді сірә, құдай,
Келтірді мәмілеге.

Толық

Қарап көріңіз