Өлең, жыр, ақындар

Жүрегімді жаулады басыр қайғы

  • 13.02.2021
  • 0
  • 1
  • 756
Жүрегімді жаулады басыр қайғы,
Мынау әлем дүбәра – тасырлайды.
Өшті ме екен кеудеңнен мендік сенім,
Асау сезім санаға бас ұрмайды.
Жайымды ұқшы, қайтейін, жабығамын,
Топ ішінен өзіңді танығамын.
Сен сүймесең кім мені жұбата алар,
Жанарымда жаныңның табы қалың.
Көздің жасын шыра етіп, егілесің,
Қасіретке еріксіз телінесің.
Ақылдым-ау, ақылды ең әу бастан-ақ,
Жоғалған-ау бір жола менің есім.
Бір мысық жүр санамда сөлеңдеген,
Уын бастым жыланның өлеңменен.
Боталаған көзіңнен айналайын,
Сөзің дәру жаныма «сенем» деген.
Ойдың бәрін қуайын тасадағы,
Түсе қойған жоқ дерттің аса дағы.
Алу-далу сорлының әптігін тек,
Сенің ыстық құшағың баса алады.



Пікірлер (1)

Пікір қалдырыңыз

Алай-түлей құйқылжыған сан алап

  • 0
  • 0

Алай-түлей құйқылжыған сан алап,
Алпауыттар көрді тесті сабалап.
Аспанның да көзін ашты жыртитып,
Қара ниет, ал өңдері – шамалы ақ.

Толық

Желі

  • 0
  • 0

Таң сәріден байланды бие бүгін,
Желі деген әуелден киелі ұғым.
Құраулайды әлдекім биебаудан,
Жұмыр жонын құлынның сүйеді күн.

Толық

Шимай-шимай жаныңды жайып салдың

  • 0
  • 1

Шимай-шимай жаныңды жайып салдың,
Басты еңсеңді, дертіңнен айықсаң – мұң.
... Долданады көк теңіз, қайық кетті,
Болса керек өзінде айып шалдың.

Толық

Қарап көріңіз